હોમિયોપેથી શા માટે??

હોમિયોપેથી વૈકલ્પિક દવાની એક શાખા છે. તે હવે વિશ્વના ઘણા પ્રદેશોમાં ખૂબ જ લોકપ્રિય છે.

તેને 18મી સદીમાં જર્મન ચિકિત્સક સેમ્યુઅલ હેનેમેન દ્વારા વિકસાવવામાં આવી હતી. તે 200 વર્ષથી વધુ જૂની દવા શાખા છે.

તે બે સિદ્ધાંતો પર કામ કરે છે:

• "Like cures like"— વ્યાખ્યાયિત કરે છે કે રોગનો ઉપચાર તે પદાર્થ દ્વારા કરી શકાય છે કે જે પદાર્થ તંદુરસ્ત લોકોમાં રોગ સંબંધિત સમાન લક્ષણો પેદા કરવા માટેનું કારણ બને છે.
• "Law of minimum dose"— વ્યાખ્યાયિત કરે છે કે દવાની નીચી માત્રા ખૂબ ઊંચી અસરકારકતા ધરાવે છે. અંતિમ ઉત્પાદન રાસાયણિક રીતે મંદકારકથી અલગ ન કરી શકાય ત્યાં સુધી પસંદ કરેલ પદાર્થને વારંવાર મંદ કરવામાં આવે છે.

હોમિયોપેથિક દવાઓના પદાર્થો વનસ્પતિ, ખનિજો અથવા પ્રાણી જેવા કુદરતી સ્ત્રોતમાંથી મેળવવામાં આવે છે. હોમિયોપેથિક ડોકટરો (તેમને હોમિયોપેથ તરીકે પણ ઓળખાય છે) પાણી અથવા આલ્કોહોલ ઉમેરીને આ ઘટકોને મંદ પાડે છે. પછી તેઓ આ મિશ્રણને હલાવે છે; તે પ્રક્રિયાને "પોટેંટાઇઝેશન" કહેવામાં આવે છે. તેઓ માને છે કે આ પગલું ઔષધિકીય અર્કને સ્થાનાંતરિત કરે છે. હોમિયોપેથ એમ પણ માને છે કે, દવાનો ડોઝ જેટલો ઓછો તેટલી જ દવા વધુ શક્તિશાળી. હોમિયોપેથિક દવાઓ વિવિધ સ્વરૂપોમાં આવે છે, જેમ કે ખાંડની ગોળીઓ, પ્રવાહી ટીપાં, જેલ, ક્રીમ અને ટીકડીઓ.

હોમિયોપેથીને એક સલામત અને સચોટ તબીબી ઉપચાર પદ્ધતિ માનવામાં આવે છે જો તેને એક નિષ્ણાત હોમિયોપેથિક ડૉક્ટર દ્વારા સૂચવવામાં આવેલ હોય તો. મોટાભાગની દવાઓ કુદરતી પદાર્થમાંથી બનેલી હોવાથી તેની પ્રતિકૂળ અસરો લગભગ નગણ્ય છે.

શસ્ત્રક્રિયા અથવા સ્ટીરોઈડનો ઉપયોગ કરવાના માર્ગને લગભગ ટાળીને હોમિયોપેથી રોગના મૂળ કારણની સારવાર માટે કામ કરે છે.

દવા લેતી વખતે રાખવાની જરૂરી તકેદારી:

આમ જો કે હોમિયોપેથિક દવાને સલામત માનવામાં આવે છે અને તેના સેવન માટે કોઈ કડક પ્રતિબંધનું પાલન કરવાની જરૂર નથી, તેમ છતાં હોમિયોપેથિક ડોકટરો કેટલીક તકેદારીઓ સૂચવે છે જેનું દર્દીએ દવાના સારા પરિણામ માટે પાલન કરવું સલાહભર્યું છે. જેમ કે..

• કોઈપણ દવાને હાથથી સ્પર્શ કરશો નહીં. તેને સીધી જીભ પર મૂકવા માટે સ્વચ્છ ચમચીનો ઉપયોગ કરવો.
• દવા લેતી વખતે મોં સ્વચ્છ રાખો.
• દવા લેતા પહેલા અને પછી ઓછામાં ઓછા 15 મિનિટ ભોજન લેવાનું ટાળો.
• સારવાર દરમિયાન શક્ય હોય ત્યાં સુધી ધૂમ્રપાન અને આલ્કોહોલ ટાળો. ધૂમ્રપાન અથવા આલ્કોહોલ લીધા પછી તરત જ દવા ન લેવી.
• કાચા લસણ, ડુંગળી, કોફી અથવા એવી કોઈપણ તીવ્ર ગંધવાળી ખાદ્ય વસ્તુઓ ખાવાનું ટાળો જે દવાની અસરકારકતાને અસર કરી શકે.
• ડોકટર દ્વારા સૂચવવામાં આવેલ ડોઝની માત્રા અને દવા લેવાના સમયનું પાલન કરવું જોઈએ. ડૉક્ટરની સલાહ લીધા વિના ડોઝ અથવા દવા લેવાનો સમય બદલશો નહીં.
• દવાને બોટલમાં ચુસ્તપણે બંધ રાખો અને સીધા સૂર્યપ્રકાશ, લોહચુંબક, રંગ અથવા કપૂર જેવી તીવ્ર ગંધથી દૂર રાખો.
• દવાને સામાન્ય ઓરડાના તાપમાને રાખવી જોઈએ પરંતુ જ્યાં સુધી ડોક્ટર દ્વારા કહેવામાં ન આવે ત્યાં સુધી દવા ને ફ્રીઝ માં મુકવી નહિ.